Þessi grein, um að Ísland hafi alla burði til að verða miðstöð "fjártækni" á alþjóavísu, minnir óneitanlega á þá daga þegar íslenskir bankastjórnendur töldu sér, stjórnvöldum og mörgum öðrum trú um að þeir væru mestu bankasnillingar þess tíma á alþjóðavísu. Allt endaði það brölt með hrikalegu hruni allra viðskiptabankanna í landinu og urðu nær endalok sparisjóðakerfisins einnig.

Undirritaður starfaði þá sem útibússtjóri hjá stærsta bankanum og sat margan fundinn þar sem fram fór heilaþvottur um ágæti allrar þeirrar útrásar sem fyrirhuguð var og framkvæmd var í framhaldinu. Við sem eldri vorum í starfi höfðum auðvitað engin áhrif á framrásina og vorum óvirkir þátttakendur. En oft litum við hver á annan og hristum höfuðið og sendum hver öðrum augnaráð sem ekki var unnt að misskilja. Allt hófst þetta óheillaferli með svo kallaðri einkavæðingu/heffingu Landsbanka Íslands og sölu hans til vankunnandi lukkuriddara.

Talandi um sumt af efni þessarar greinar t.d. það að tæknin öll hafi lækkað kostnað bankanna og bætt þjónustu við viðskiptavinina má spyrja, hvers vegna lækka þá ekki bankarnir útlánsvexti sína og gjaldskrár viðskiptavinunum til hagsbóta. Og varla telst það til bættrar þjónustu við eldri viðskiptavini, sem vilja eiga persónuleg samskipti við bankann sinn, að loka í röðum útibúum bæði hér syðra og ekki síður úti á landi.

Góða ferð og vonandi endar þessi leiðangur betur en hjá lukkuriddurunum forðum daga.

	Stöndum framarlega í fjártækni
Ábyrgðarmaður færslu Tilkynna um óviðeigandi tengingu við frétt

Eins og ég las umfjöllun á ensku blöðunum í morgun sagði Coote ekki að Liverpool væri ömurlegt -almennt-. Hann sagði spurður hvað honum hefði fundist um Liverool í leiknum í gær að þeir hefðu verið ömurlegir. Það getur alveg verið að þeir hafi ekki þann dag átt sinn besta leik og því hafi honum þótt þeir ömurlegir í þeim leik, en mér þykir ómögulegt að honum þyki liðið ömurlegt almennt hvað þá að hann segði slíkt. Hitt er það að flestir gera miklar kröfur til Liverool vegna gamalla og nýrra afreka félagsins og því kann lélegur leikur hjá þeim að þykja ömurlegur.  Aftur á móti sagði hann samkvæmt fréttinni ýmislegt miður gott um Klopp sem hann byggir vafalaust á þeirra samskiptum og hefði örugglega betur látið ósagt og örugglega við þennan ágæta "vin" sinn sem sá sér síðan einhvern hag í að leka þessu í fjölmiðla. 

	Dómarinn settur í bann
Ábyrgðarmaður færslu Tilkynna um óviðeigandi tengingu við frétt

Þeir kumpánar ættu nú frekar að vera að fjalla um Man United og reyna að finna út úr hvað eiginlega gengur á í iðrum þess vesæla risa. Hvað t.d. er að í heilabúi þeirra sem sjá um leikmannakaup félagsins.

Þeir "hafa varla próf" til að fjalla um Arsenal......

	„Að horfa á Arsenal eins og að horfa á Netflix“
Ábyrgðarmaður færslu Tilkynna um óviðeigandi tengingu við frétt

Orð í tíma töluð og nú eiga allir réttsýnir og vitibornir menn að ganga í að verja Reykjavíkurflugvöll fyrir misvitrum stjórnmálamönnum og fólki sem ekki sér út fyrir skammtímahagsmuni "borgafrinnar". Allt of lengi hefur verið undanlátssemi í gangi Í í þessu máli gagnvart hinum lélegu stjórnendum "borgarinnar" sem ekki hafa komið auga á neitt annað en þéttingu byggðar vegna óstjórnar á fjármálum "borgarinnar".

"VERJUM REYKJAVÍKURFLUGVÖLL"! 

	„Þarf að verja Reykjavíkurflugvöll fyrir stöðugum árásum“
Ábyrgðarmaður færslu Tilkynna um óviðeigandi tengingu við frétt