Hvað má ekki gerast aftur ??

Ég vona að maðurinn sé að meina að það megi aldrei gerast aftur að einhver nákominn aðila eða aðilum sem blaðasnápar eru að reyna að koma höggi á sé fengin til að byrla þeim ólyfjan á sjúkrabeði til að stela síðan símanum þeirra og afhenda blaðasnápunum til að stela úr honum gögnum og upplýsingum.  Það vona ég að vesalings maðurinn sé að meina, ef þetta var það sem gerðist á annað borð, ekki veit ég.... og þykir raunar ótrúlegt og trúi vart að svo lágt sé lagst.

„Þetta má aldrei gerast aftur“

Athugasemdir

[Arnór Baldvinsson, 26.9.2024 kl. 16:36]

Að ofsækja blaðamenn fyrir að flytja fréttir.  Finnst einfalt mál að skilja það.  Eða eiga blaðamenn að láta skítinn vera ef hann kemur frá einhverjum útvöldum aðilum?  Hvaða byrlun?  Það hafa engin sönnundargögn fundist!  Og lögreglan hefur látið þessa fáránlegu rannsókn niður falla því þeir hafa eytt tugum milljóna af almannafé í að elta rugl úr samsæriskenningasmiðum á mogga blogginu og öðrum rugludöllum.  Vonandi verða viðkomandi aðilar lögsóttir fyrir að eyða tíma lögreglunnar í óþarfa.  

[Hjörvar O Jensson, 26.9.2024 kl. 16:52]

Nei, nei, nei, nei blaðamenn eru heilagir fyrirgeftðu, fyrirgefðu, voðalegt af mér að hafa öndverða skoðun, fyrirgefðu !!!!!!! 

[Ingólfur Sigurðsson, 26.9.2024 kl. 23:53]

Síminn var afritaður, það er bara ekki hægt að sanna hver gerði það. Eins og kemur fram í Fésbókarfærslu í útskýringum frá lögreglunni þá var grunurinn svo sterkur um að blaðamennirnir hefðu tekið þátt í þessu að það var nóg. 

Hér er ekki verið að eyða tíma lögreglunnar í óþarfa af almannafé, væri hægt að telja upp margt annað sem er meiri óþarfi. Það er leitt hvað Páll Vilhjálmsson hefur þurft að þola dómsmál út af því að vera hugrakkastur hér á blogginu og dugmestur. Það er það sem er óréttlátt.

Í upphafi þorði enginn að tjá sig um þetta nema Páll Vilhjálmsson, fólk hélt kannski að hann væri að bulla. Nú eru hinsvegar mjög margir búnir að snúast á sveif með honum. Þessi langa opinbera rannsókn er alveg búin að sýna að grunsemdirnar nægja. Samsæriskenningar eru byrjun á að finna það sem aðrir vilja fela. 

Held að það sé réttara að fólk sýni Páli Vilhjálmssyni meiri stuðning og þeim örfáu sem hafa kjark og dug eins og hann. Þöggunin er mikil í þessu þjóðfélagi.

Það er ekki verið að ofsækja þessa blaðamenn fyrir að flytja fréttir. Það leikur sterkur grunur á að fyrrum eiginkona skipstjórans hafi fengið hvatningu, og einhver blaðamannanna tekið þátt í þessu meira en bara með að segja frá.

Af hverju hefði eiginkonan átt að gera þetta ef ekkert hékk á spýtunni, engin umbun, ekkert sem hún myndi fá í staðinn?